Infra Fusion Pilates
8 september, 2026 · 6 vikur · 13.900.-
Styrktu kvið- og bakvöðva og bættu líkamsstöðuna. Námskeiðið hentar vel öllum. Heildræn þjálfun fyrir líkama & sál.
Um námskeiðið
Lambhagi
Infra Fusion Pilates er kennt í Infrared , heitum sal.
Infra Fusion Pilates styrkir vel allan líkamann og er sérhannað til að þjálfa stoðkerfið og fyrir þá sem hafa vefjagigt.
Í Infra Fusion Pilates er blandað saman Fitness Yoga, Pilates æfingum, bandvefslosun, Trigger Point Pilates, teygjum og unnið er með eigin líkamsþyngd og FitBall bolta.
Við vinnum vel með djúpvöðva líkamans. Unnið er með að styrkja vel kvið- og bakvöðva sem bætir líkamsstöðu og færir þátttakendum langa fallega vöðva. Jafnvægi og aukinn liðleiki er mikilvægt atriði í þjálfun í Fusion Pilates. Unnið er með eigin líkamsþyngd, handlóð og teygjur með þyngdir sem henta hverjum og einum. Einnig eru stóru vöðvarnir þjálfaðir í kvið og baki, læri, rassvöðvum, styrkjum mjaðmir, grindarbotn, efri líkama og axlir og endurnærir líkama og sál losar um streitu í líkamanum og eykur orku. Tímarnir enda á góðri slökun, bandvefslosun og teygjum fyrir líkama & sál.
Hvað er infra?
Það sem innrauður hiti hefur fram yfir annað er að hita líkamann vel og með því móti eykst teygjanleiki bandvefjarins svokallaða sem leiðir til aukins hreyfanleika.
Loftið er talið heilnæmara fyrir þá sem viðkvæmir eru og er talið að þessi hitun hafi styrkjandi áhrif á ónæmiskerfi.
Ljósið hefur hreinsandi áhrif þar sem það ýtir undir efnaskipti og eykur framleiðslu á svita.
Hitinn sem ljósið sendir inn í líkamann bætir meltingu , örvar blóðrás og vinnur gegn hvers konar sýkingum.
Innrauði hitinn hefur hjálpað gigtarsjúklingum, vefjagigtarsjúklingum og íþróttamönnum vegna meiðsla í liðamótum og vöðvum þar sem hitinn hjálpar til við að losa um spennu og örva heilbrigða frumumyndun.
Tilvalið fyrir stressaða og þreytta líkama.
Meðmæli
Heitu tímarnir hjá Unni eru alveg æðislegir. Styrkjandi, hvetjandi og slakandi. Hægt að fara á sínum eigin hraða og eins langt inní æfinguna eins og maður treystir sér til. Orka sem er svo góð og algjörlega þess virði að leggja smá akstur á sig.
Anna frá Borgarnesi
Góð blanda af yoga, pilates og léttum styrktaræfingum og geggjað að hann sé kenndur í Infrarauðum hita. þetta námskeið hentaði mér mjög vel þar sem ég var að byrja aftur í ræktinni eftir langt hlé. Ég fann fljótt mun á fyrstu vikunum hvað ég styrktist, liðleikinn jóks og aukin vellíðan. Mæli 100% með þessu námskeiði
Fanný Ósk
Unnur er bjargvætturinn minn! Fusion Pilates tímarnir hennar hafa gert svo mikið fyrir bakið mitt sem er brjósklosbak, tímanir halda mér gangnadi og ég segi lækninum mínum hiklaust frá því hve ég er betri í tímum hjá henni. Ég er hætt í sjúkraþjálfun, fæ mikið meira út úr tímunum hennar. Fyrir utan, eins og ég hef nefnt við hana, blessað sálartetrið sem hún heldur líka gangandi fyrir mig. Hún er bara best.
Hannesína Scheving