Sterkari í dag - byrjendanámskeið
15 september, 2026 · 6 vikur · 13.900.-
Viltu hefja reglubundna hreyfingu á rólegan og öruggan hátt. Þá er þetta námskeið fyrir þig!
Um námskeiðið
Urðarhvarf
Þetta námskeið er hannað sérstaklega fyrir þá sem vilja hefja reglubundna hreyfingu á rólegan og öruggan hátt. Við einblínum á að kynnast líkamanum betur, byggja upp grunnstyrk og fá aukna vellíðan í hreyfingu og daglegu lífi.
Í hverjum tíma munum við:
Byrja með góða upphitun til að vekja líkamann.
Taka inn mjúkar jógaæfingar sem auka liðleika og einbeitingu.
Fá létta brennslu til að styrkja úthald og orku.
Vinna með styrktaræfingar með léttum lóðum (þyngdir má stilla eftir getu).
Einblína á kvið og rassvöðva, en einnig vinna með alla helstu vöðvahópa.
Ljúka hverjum tíma á teygjum og djúpri slökun.
Námskeiðið hentar þér ef:
Þú ert að stíga fyrstu skrefin í hreyfingu.
Þú vilt auka styrk, liðleika og úthald á þínum eigin hraða.
Þú leitar að námskeiði þar sem jafnvægi, vellíðan og sjálfsöryggi í hreyfingu eru í forgrunni.
Komdu og gefðu líkamanum tækifæri til að styrkjast og blómstra – á þínum hraða og með stuðningi í góðum hópi.
Hægt að skoða hér í tímatöflu eða í appinu !
Ekki fresta þessu lengur!
Hefst: 15 september
Hvað er infra?
Það sem innrauður hiti hefur fram yfir annað er að hita líkamann vel og með því móti eykst teygjanleiki bandvefjarins svokallaða sem leiðir til aukins hreyfanleika.
Loftið er talið heilnæmara fyrir þá sem viðkvæmir eru og er talið að þessi hitun hafi styrkjandi áhrif á ónæmiskerfi.
Ljósið hefur hreinsandi áhrif þar sem það ýtir undir efnaskipti og eykur framleiðslu á svita.
Hitinn sem ljósið sendir inn í líkamann bætir meltingu , örvar blóðrás og vinnur gegn hvers konar sýkingum.
Innrauði hitinn hefur hjálpað gigtarsjúklingum, vefjagigtarsjúklingum og íþróttamönnum vegna meiðsla í liðamótum og vöðvum þar sem hitinn hjálpar til við að losa um spennu og örva heilbrigða frumumyndun.
Tilvalið fyrir stressaða og þreytta líkama.